一个fb 既like,到底有几多价值?

2019-08-31 申博调查 76891次阅读 

一个fb 既like,到底有几多价值?

其实比一个like仲容易过搵一蚊鸡,但一个like既价值又只唔只一蚊鸡咁少?对于唔用facebook,或者少用facebook既读者黎讲,一个like真係冇咩意义同埋价值,佢地会答宁愿你要一蚊抽下YES卡都好过要like,但同时唔可以否认既係社会上大部份人都好重视like依样功能。究竟,一个like既用途有几大? 究竟,一个like既吸引力有几大?呢样野只係facebook既用家先会知道,仲要係一经常更新自己状况既用家。

首先,一个like代表住你到底有几多朋友,到底有几多人去关心你。如果你认为全部朋友比like只係单单建基于文中既内容,或者真係太天真,因为朋友比既唔单止係呢个Post既价值,更加係佢对你既观感。曾经有朋友係facebook分享一篇好有深度的中文客家话教学,係佢自己既心得,类似客家一分钟咁样,但係除左我同几个朋友之外,都冇咩人Like佢。另一位朋友係女仔黎,佢只係up左一张好黑,好似咩都见唔到既图,打左个我都唔识既英文字,係短短一日之内,佢已经有一百几个like。朋友比like唔通真係单单睇内容咁简单?当然如果真係关于个人健康、家庭问题就另作他说。一个like等于既就係朋友同你既相熟程度,或者係对你既个人观感,或者我唔可以讲绝大部份,但佔唔少部份係因为佢个人善交际,多朋友,或者係靓仔靓女,所以先会有咁多like。

其次,一个like代表既可以係公众对该行动既支持。有时like或者就好似一种支持一样,唔少公司或者所谓既网络名人会用Like去换取捐款,好似有一万人like就会捐一万,有三万个like就会直播单手抬起巴士咁样,点解呢班人唔可以直接捐钱?佢地点解唔可以直接表演,佢地做咩要开出种种既条件呢?因为佢地需要公众既认同与支持,如果佢地冇通知任何人既情况下,作出呢d行动,咁佢地唔会知道自己有冇人支持佢地,同时唔会知道咁样做係唔係得到大众认同。

同时,一个Like代表既係一种表态。点解呢一种係表态呢?因为你可以就住一样野去决定比唔比like,呢样适用于大众公共议题。好似梁振英每当发表言论时,网民都会好自然唔比like,表示唔认同狼英,当梁天琦有咩新闻,我地都会好自然咁比个like,呢个like就係表示你既政治立场。但同时要留意,网上消息既来源,好似港人港地既facebook,自自然然有大把人like,咁係唔係代表梁振英好多人支持?唔係,只係facebook都有佢既局限,就係某个专页佢地只会集中某一群政治或者意识取态既人。

係呢个网络咁发达既年代,一个专页既like,表示自己係得到几多人支持,一个facebook既post有几多Like,代表你既人际交友情况係点样,代表有几多人关心你,所以facebook某程度可以当做一个统计工具,了解自己既价值,但请读者留心,呢个价值唔係绝对,因为唔係每个朋友都会用facebook,或者like你既人唔一定係你既真心朋友,可能佢地只係你既hi bye 朋友,佢地比like就好似同你打个招呼一样,唔一定係你既朋友,只可以肯定佢地多数唔係你既敌人。

点解会有人卖like?因为人往往自自然然用like去冲量一种人或者物品既价值,好似多like就表示佢出名,佢既商品好好用,好有口碑咁样。当然呢样唔可以怪责各位读者,因为笔者都好自己代入左呢种第一观感,认为佢多like就表示佢好用,佢有口碑,但记唔起原来上网比like係一件好容易既事。

如果你问我一个facebook既like有几多价值,到最后我会同你讲,佢有好多作用,但价值只係因人而异,只可以话facebook既like某程度上牵动住我地既日常生活。

上一篇: 下一篇: